Мастер-класс в детском центре "Фиданчыкъ"

Мастер-класс по анимации провели воспитанники Детской медиа-студии МАНюня 7 июня 2014 г.

Занятия прошли в группах Детского центра "Фиданчыкъ". Все стадии работы на мультфильмом показали Ибраим Абдураманов, Амаль Алиев и Велиде Мамутова. Вместе с детками лепили главного героя - Къыркъаякъ (Сороконожку), потом была рабочая съемка.

Пока дети смотрели фильмы - премьеры, мастера занялись видеомонтажем. И вот наконец - премьера - Къыркъаякъ.

А вот и весь процесс

___________________________________________

BALALAR FILM YAPMAĞA ÖGRENELER

Enise ABİBULLAYEVA,
QMPU ocası
İyün 7-de "Közaydın" informatsion merkeziniñ ve küçükler içün İlimler akademiyasınıñ "MANünâ" tögereginiñ reberi Zarema Hayredinova, onıñ talebeleri Amal, İbraim Abduramanov, Velide Mamutova ve "Yañı dünya" gazetasınıñ muarriri Zera Bekirova "Fidançıq" balalar inkişaf ve oqutuv merkezinde talebelernen körüştiler.
Körüşüvde "Fidançıq"nıñ talebeleri yıl devamında "Şeñ elifbe"den ögrengen şiirlerini ifadeli oqudılar ve bu mültimedia oqutuv programmanıñ müellifi Zarema Hayredinovağa öz teşekkürlerini bildirdiler.
Zera Bekirova "Yañı dünya" gazetasına ilâve olaraq yayınlanğan "Balalar dünyası" gazetasını balalarğa bir kere daa taqdim etip, onıñ saifelerinde balalarnıñ yaşayışından meraqlı levhalar neşir etilgenini ve yıl devamında "Fidançıq"ta olıp keçken meraqlı tedbirler aqqında yazılğanını qayd etti.
"Fidançıq"ta küçükler içün İlimler akademiyasınıñ "MANünâ" tögeregine qatnağan İbraim Abduramanovnıñ "Bayraq" mültfilmi ve Velide Mamutovanıñ "Balalar yaşasın!" mültfilminiñ premyerası oldı. İçtimaiy ağlarda bu mültfilmlerni artıq körip yetiştirgen türkiyeli jurnalist Zafer Qaratay böyle eyecanlı satırlar yazğan: "Bayraq" – qısqa film. Tamğalı kök bayrağımıznıñ ikâyesi. Filmniñ müellifi İbraim Abduramanov – sadece 10 yaşında, onıñ tatlı qardaşı Meryem 3 yaşında olıp, filmni seslendirgen. İlmiy reberleri Zarema Hayredinova – sessiz, sakin, amma inanılmaz işler yapqan fedakâr bir vatansever. Bu pek yahşı dokumental filmni yapqan meslekdeşlerime "hoş keldiñiz!" dep aytam. Alla-Taalâ yoluñıznı açıq etsin!". Zafer beyniñ mültfilmlerge kesken yüksek qıymetine qoşulmamaq mümkün degil.
Şunı qayd etmelimiz ki, bu körüş ustalıq dersi şekilinde keçirildi. Zarema oca ve onıñ talebeleri ""Fidançıq"nıñ balalarınen beraber Nuzet Ümerovnıñ "Dostum" şiirine mültfilm yaptılar. Bu faaliyet talebelerge em ana tilimizni em de informatsion tehnologiyalarını ögrenmege imkân bere. Ümüt etemiz ki, küçükler içün İlimler akademiyasında "MANünâ" tögereginde qırımtatar tilinde de gruppa açılır ve daa çoq faydalı oqutuv filmleri dünya yüzü körer.
Sağ oluñız ocalar, sağ oluñız balalar!


______________________________________________________

Сагъ олунъыз оджалар, сагъ олунъыз балалар!!!!

Энисе Абибуллаева

Фиданчыкъта меракълы корюшюв

http://avdet.org/node/9686